Dita e fundit e merkatos së Juventus nuk solli Kolo Muani, por, gati paradoksalisht, Igor Tudor mund të ketë një sulm edhe më të fortë se sa ishte parashikuar, falë goditjeve të minutës së fundit: Openda dhe Zhegrova. Brenda 24 orësh klubi bardhezi u angazhua për 70 milionë euro, duke marrë parasysh 45 gjithsej për belgun, mbi të cilin ka detyrim blerjeje, dhe 25 për të marrë përfundimisht kosovarin (por që së fundmi ka marrë shtetësinë shqiptare, duke mos ndikuar në kuotat e jashtë-komunitarëve), duke e ngritur në gjashtë shigjeta harkun ofensiv në dispozicion të teknikut kroat.
Gjashtë sepse në fund, siç dihet, te Juventus mbeti edhe Dusan Vlahovic, i cili duhej të ishte shitja që do të financonte rikthimin e Kolo Muani, vetëm se serbi preferoi të qëndronte në Torino, megjithëse në skadencë, dhe francezi shkoi te Tottenham. Tudor nuk mund të jetë i pakënaqur, përkundrazi, edhe sepse falë Openda dhe Zhegrovës do të ketë në dispozicion armë të reja taktike për të rreshtuar sulme të ndryshme në varësi të nevojave, kundërshtarëve dhe momenteve të formës.
Lexo më tej: Zhegrova te Juventus, pse goditja e merkatos nuk luan që nga dhjetori 2024
Ish-lojtari i Lille mund të konsiderohet më pak ofensivi i repartit, jo rastësisht mund të bëjë shumë mirë anësorin e djathtë me gjithë krahun në rastin e 3-5-2, por gjithashtu të forcojë baterinë e pas-sulmuesve në 3-4-1-2 ose në 3-4-2-1. Qartësisht në këto dy zgjidhje të fundit do të gjente më pak hapësirë sepse, për momentin, titullarët janë i paprekshmi Yildiz pa harruar Conceiçaon, blerja përfundimtare e të cilit i kushtoi Juventus 32 milionë. Këtu futet edhe Openda, i cili në rast nevoje mund të luajë rolin e sulmuesit të dytë ose falso nueve. Sepse, sigurisht, roli i pikës së referencës në sulm mbetet një duel mes Jonathan David dhe Vlahovic. Për një sulm… për titull.
