Gordon Ramsay, ka zbuluar se së fundmi ka kaluar një operacion për heqjen e një forme të kancerit të lëkurës.
Në një postim në Instagram të shtunën, 58-vjeçari ndau me ndjekësit e tij disa foto pas ndërhyrjes, duke treguar edhe shenjën e operacionit në fytyrë.
“Jam shumë mirënjohës për ekipin fantastik të The Skin Associates dhe reagimin e tyre të shpejtë në heqjen e këtij Basal Cell Carcinoma. Faleminderit!” – shkroi ai në përshkrim.
Një nga fotot tregonte profilin të fytyrës së tij, me një fashë të madhe të vendosur pas operacionit. Në një tjetër foto, shihej qartë një shenjë me qepje pranë veshit.
Ramsay shtoi në fund të postimit:
“Ju lutem, mos harroni kremin kundër diellit këtë fundjavë. Dhe jo, nuk është ‘facelift’ – po të ishte, do kërkoja rimbursim! ”
[embed]https://www.instagram.com/p/DN-LpjmDKaF/[/embed]
Ky nuk është rasti i parë kur Ramsay përballet me probleme serioze shëndetësore. Në qershor të vitit 2024, ai u përfshi në një aksident të rrezikshëm me biçikletë në Connecticut.
Shefi i “MasterChef” ndau një foto tronditëse me një mavijosje masive në pjesën e bustit, duke shpjeguar se kishte shpëtuar për mrekulli.
“Jam me fat që jam gjallë,” – shkroi ai në atë kohë, duke shtuar:
“Gjithmonë vendosni helmetën, s’ka rëndësi sa e shkurtër është rruga.”
