Selena Gomez ka reaguar ndaj lajmit për fejesën e Taylor Swift, me sportistin Travis Kelce.
Në një postim në Instagram Story të mërkurën, aktorja e “Only Murders in the Building” ndau foton e çiftit nga momenti i propozimit, duke shkruar sipër: “Kur shoqja fejohet ”, shoqëruar me këngën “You’re My Best Friend” nga Queen.
Gomez publikoi gjithashtu një mesazh të vjetër nga Swift i vitit 2009 që fliste për dashurinë e vërtetë:
“Dashuria e vërtetë ekziston. Nuk është vetëm diçka që e sajojmë kur jemi nëntë vjeç. Duhet ta besoj. Edhe ti gjithashtu,” kishte shkruar Taylor në Twitter-in e saj dikur.
Të dyja artistet janë shoqe të ngushta që nga fundi i viteve 2000, kur Selena ishte në një lidhje me Nick Jonas dhe Taylor me vëllain e tij, Joe Jonas. Ato janë parë gjithnjë pranë njëra-tjetrës në momentet më të rëndësishme të jetës së tyre, përfshirë edhe fejesat.
Taylor dhe Travis njoftuan fejesën të martën me një set fotosh romantike në një kopsht me lule. Në përshkrimin e postimit ata shkruan me humor: “Mësuesja e anglishtes dhe mësuesi i palestrës po martohen.”
Ndërkohë, edhe Selena vetë është e fejuar me producentin Benny Blanco që nga dhjetori i vitit 2024. Në njoftimin e saj, Swift kishte komentuar: “Po, unë do të jem vajza e luleve në dasmën tënde!”
Në një intervistë të fundit në podcast-in “Therapuss With Jake Shane”, Gomez tregoi:
“Ne të dyja dilnim me Jonas Brothers. Unë me Nick, ajo me Joe... Ishim të reja dhe e vetmja gjë e bukur që morëm nga ato lidhje ishim ne vetë – shoqëria jonë.”
