José Mourinho po përjeton një fillim sezoni pak të thuash stresues te Fenerbahçe, pas dështimit në provën vendimtare, i eliminuar nga Champions League në kthimin e play-off kundër Benfica. Klubi i Stambollit mbetet jashtë kompeticionit më të lartë europian për të 18 vit radhazi. Paralajmërimi i shkarkimit të teknikut portugez erdhi që në konferencën për shtyp të vigjiljes, e shndërruar më shumë në një betejë i vetëm kundër të gjithëve. Viktima e paracaktuar është klubi, kur u rikthye fjala për shkarkim, gjë që sipas trajnerit nuk e ndien aspak pranë. Kur i përsëriten fjalët e zv/presidentit, përgjigjja është emblematike: “Nuk e njoh emrin e tij, nuk më është prezantuar kurrë. Me të vërtetë, nuk e di kush është”.
Mourinho mbrohet duke sulmuar klubin
Nëse duhet të thuash gënjeshtra, të paktën bëji ato sa më të mëdha, që dikush të mund të besojë. Një mantra që strategu José Mourinho e vuri në veprim në konferencën për shtyp në prag të ndeshjes që mund të jetë e fundit për të në krye të Fenerbahçe. Kështu, përballë pyetjeve këmbëngulëse të shtypit që donin të kuptonin se cilat ishin marrëdhëniet reale mes drejtuesve dhe trajnerit, Special One goditi rëndë pa asnjë kursim, duke krijuar edhe më shumë konfuzion dhe tension.
Mourinho e gënjeshtra e madhe për zv/presidentin
“Çfarë mendoni për deklaratat e fundit të zv.presidentit tuaj, Hamdi Akin, që tha se kualifikimi me Benfica ishte një pengesë më shumë se e lehtë?”. Një pyetje e mprehtë për të vënë në dukje marrëdhëniet në nivelin më të ulët mes Jose Mourinho dhe Fenerbahçe. Një pyetje goditëse që solli përgjigjen therëse: “Nuk e njoh këtë person, nuk e di kush është dhe as çfarë influence ka brenda shoqërisë. Me të vërtetë nuk e njoh këtë emër, nuk e di kush është…”. Portugezi e përsëriti këtë një dhjetë herë, duke gënjyer dhe duke e ditur se po gënjente: marrëdhëniet mes tij dhe Akin kanë ekzistuar ndër vite. Pastaj përgjigjja pasuese e numrit 2 të Fenerbahçe e nxori në pah gënjeshtrën: “E di shumë mirë kush jam… nuk kam asgjë personale me teknikun Mourinho, por ne njihemi më shumë se mirë”.
Mou e sulmi ndaj klubit: “Nëse Champions do të ishte prioritet, do të më kishte ndihmuar”
E atëherë pse gënjeshtra e madhe pak orë para një ndeshjeje vendimtare për të dhe klubin? E thjeshtë: sepse Mourinho zgjodhi rrugën që njeh më mirë për të lehtësuar presionet mbi lojtarët e vet, atë të provokimit, duke e vënë veten në qendër të vëmendjes: “Nuk mund të them aspak që shoqëria ka bërë ndonjë përpjekje shtesë për të më dhënë mundësi të tjera në këto dy ndeshje kundër Benfica”, ishte mendimi i hidhur i portugezit që kishte shprehur edhe disa kërkesa në verë.
“Nëse do ta kishin pasur Champions League si prioritet, duhej të kishin bërë diçka në këtë drejtim… Sigurisht nuk është një ndeshje vendimtare për mua. Për sa më përket, as që hyn në dhjetëshen e ndeshjeve më delikate të karrierës sime… Unë jam i qetë, nuk e di Fenerbahçe… Champions do t’i jepte më shumë prestigj, por do të kishte ambicie shumë të kufizuara. Është më e përshtatshme për Europa League…”
Mourinho, zëra shkarkimi: polemikat dhe dështimet me Fenerbahçe
Fjalë që tingëllojnë si një akuzë e mirëfilltë, ndërkohë që në Turqi përhapet fort zëri i një shkarkimi të menjëhershëm në rast eliminimi dhe moskualifikimi në Champions League nga José Mourinho, i cili që kur ka ardhur te Fenerbahçe, përveç polemikave dhe provokimeve të shumta, në dy sezone nuk ka fituar absolutisht asgjë.
