Zoë Kravitz është përballur me kritika pasi u pa duke kaluar kohë me ish-të dashurin e Taylor Swift, këngëtarin Harry Styles.
Pasi u shfaqën pamje të saj dhe Styles duke u puthur gjatë një mbrëmjeje romantike në Londër, fansat shpërthyen në rrjete sociale, duke akuzuar Kravitz për “thyerje të kodit të vajzave”.
“Qesharake që disa po sugjerojnë një ‘double date’ me Harry/Zoe dhe Taylor/Travis! Taylor duhet ta largojë Zoën, pasi ajo theu rregullin më të madh – NUK duhet të dalësh me ish-in e shoqes tënde!” – shkruajti një përdorues i zemëruar në X.
“Si mund të jetë Zoë me Harryn kur ai është një nga ish-at më të famshëm të Taylor-it dhe ato janë shoqe të ngushta?!” – reagoi një tjetër.
Sipas raportimeve të “The Sun”, Kravitz, 36 vjeçe, dhe Styles, 31 vjeç, u panë javën e kaluar në një restorant në Londër, ku dukeshin shumë të afërt. Një dëshmitar tha se ata ishin "duke u puthur si adoleshentë" dhe "nuk u shqetësuan aspak nëse dikush i shihte".
Burime të tjera tregojnë se Kravitz udhëtoi drejt Romës për t’u takuar me Styles pas premierës së filmit të saj të ri “Caught Stealing”, dhe janë parë duke ecur dorë për dore në rrugët e qytetit.
“Kjo është ende në fazat e para,” tha një burim tjetër. “Ata po argëtohen shumë.”
Harry Styles dhe Taylor Swift patën një romancë të shkurtër në fund të vitit 2012, që u kthye në një prej lidhjeve më të komentuara të kohës – e njohur ndryshe si “Haylor”. Por lidhja përfundoi pas disa muajsh, me spekulime se Swift kur këndoi “We Are Never Getting Back Together” në Grammy 2013, – ndërkohë që Harry ndodhej në audiencë.
Ndërkohë, miqësia mes Taylor dhe Zoë ka mbi një dekadë. Ato janë parë shpesh bashkë dhe madje Taylor i ofroi strehim Zoë gjatë zjarreve të rënda në Los Angeles më herët këtë vit.
Megjithatë, kjo lidhje e re e Kravitz me Styles ka vendosur një pikëpyetje të madhe mbi miqësinë e tyre, të paktën sipas fansave të zjarrtë të këngëtares.“Është çështje respekti. Qoftë edhe pas 12 vitesh, nuk është e pranueshme,” – shkroi një tjetër përdorues.
