Policia Rrugore ka arrestuar 17-vjeçarin që aksidentoi rëndë këmbësorin 35-vjeçar ditën e djeshme pranë shkollës së Muzikës në Fier.
Burime zyrtare njoftuan sot se pas ngjarjes së ndodhur në lagjen "Liri Gero", u arrestua në flagrancë për veprat penale “shkelja e rregullave të qarkullimit rrugor” dhe “drejtimi i mjetit në mënyrë të parregullt”, 17-vjeçari që ishte në timon pa patentë.
I plagosuri Kreshnik Tomani është dërguar me urgjencë në Spitalin Rajonal Fier në gjendje të rëndë dhe në rrezik për jetën, por për shkak të situatës kritike shëndetësore, u dërgua në Spitalin e Traumës në Tiranë. Mjekët konfirmojnë se ai ndodhet në gjendje kome dhe i intubuar, duke luftuar për jetën.
