Një mbrëmje e paharrueshme për futbollin shqiptar dhe për tifozët tetovarë. Shkëndija e Tetovës arriti të përmbysë me spektakël Ludogorets Razgrad, skuadrën më të titulluar të dekadës së fundit në Bullgari, duke marrë një fitore me vlerë të madhe në ndeshjen e parë të fazës “play-off” në Europa League.
Takimi nisi me vështirësi për kuqezinjtë, pasi miqtë bullgarë shënuan të parët, duke vendosur Shkëndijën përballë një prove të fortë karakteri. Megjithatë, skuadra e trajnerit Jeton Beqiri reagoi me vendosmëri dhe nuk lejoi që avantazhi i rivalëve të thyente shpirtin luftarak të saj. Barazimi erdhi në pjesën e parë pas një supergoli nga Liridon Latifi, i cili me një ekzekutim të jashtëzakonshëm ndezi stadiumin dhe riktheu besimin te tifozët. Në pjesën e dytë, protagonist u bë kapiteni legjendar Besart Ibraimi, i cili me përvojën dhe instinktin e tij të golashënuesit e çoi Shkëndijën drejt një përmbysjeje të madhe, duke i dhuruar skuadrës një fitore të çmuar 2-1.
Lexo më tej: Jagiellonia bëri çfarë deshi: Teqja e mbrojtja plot gabime, Dinamo gati e eliminuar
Ky rezultat i jep Shkëndijës jo vetëm avantazh psikologjik, por edhe një moral të lartë për ndeshjen e kthimit në Bullgari, ku do të vendoset gjithçka për kualifikimin në fazën e grupeve të Europa League. Nga ana tjetër, humbja i vendos kampionët e Bullgarisë nën presion të madh përpara përballjes vendimtare. Në rast se Shkëndija nuk arrin të kalojë këtë tur, rrugëtimi europian i saj do të vazhdojë në fazën e grupeve të Conference League, por skuadra e Beqirit tashmë ka treguar se mund të përballojë edhe kundërshtarë me përvojë dhe emër të madh.
Europa League Qualification
FC Midtjylland 4-0 KuPS
Brann 2-1 AEK Larnaca
Malmo FF 3-0 SK Sigma Olomouc
KF Shkendija 2-1 Ludogorets Razgrad
Panathinaikos 2-1 Samsunspor
Zrinjski Mostar 0-2 FC Utrecht
Maccabi Tel Aviv 3-1 Dynamo Kyiv
Slovan Bratislava 0-1 Young Boys
Lech Poznan 1-5 Genk
Aberdeen 2-2 FCSB
Rijeka 1-0 PAOK FC
Lincoln Red Imps FC 0-4 SC Braga
