Shailene Woodley, duket se po shijon një kapitull të ri në jetën e saj personale.
Prej gjashtë muajsh ajo është në një lidhje me aktorin francez të “Emily in Paris”, Lucas Bravo, dhe burime për People tregojnë se marrëdhënia e tyre është “një frymë e re për të”.
Sipas të njëjtit burim, Bravo është “i thjeshtë, i sjellshëm dhe emocionalisht prezent”, ndërsa miqtë e Woodley tashmë e kanë pranuar me simpati. “Është e kundërta e dinamikës së saj me Aaron Rodgers,” – shton më tej i njohuri, duke iu referuar fejesës së dështuar të aktores me yllin e futbollit amerikan.
“Shailene është e lumtur dhe po argëtohet sërish. Ajo po lulëzon dhe po shijon një energji krejtësisht të re,” – tha burimi, por shtoi se aktorja 33-vjeçare “nuk po nxiton me asgjë” dhe dëshiron “të jetojë momentin”.
Woodley dhe Bravo u lidhën për herë të parë në mars 2025, kur u panë duke shëtitur dorë për dore në Paris.
Në maj, aktori francez e bëri publike romancën me disa foto nga një udhëtim në Kaliforni.
Nga ana tjetër, Woodley ka qenë më parë e fejuar me Aaron Rodgers. Marrëdhënia e tyre përfundoi në vitin 2022 pas dy vitesh së bashku.
Në dhjetor 2024, aktorja pranoi se romanca “nuk ishte e duhura”, por gjithsesi e përshkroi si “të bukur”.
Rodgers ndërkohë ka nisur një romancë të re: në qershor 2025 ai zbuloi se ishte martuar me një grua misterioze, identiteti i së cilës ende nuk është bërë publik.
