Julia Fox, ka folur hapur për ndërhyrjet estetike që ka bërë në të kaluarën, duke pranuar se shumë prej tyre i bëri vetëm për të përmbushur pritshmëritë e meshkujve.
35-vjeçarja tregoi për Allure se filloi të bënte botoks dhe mbushës që në moshën 21-vjeçare. Ajo ka pranuar gjithashtu se ka kryer rinoplastikë, liposuksion dhe ka vendosur faseta dentare.
“Kur shoh dikë që nuk ka bërë asgjë, dua të kthehem pas në kohë. U fiksova pas idesë se duhej të isha për bukur për meshkujt që të mbijetoja,” u shpreh Fox.
Megjithatë, aktorja nuk e përjashtoi mundësinë që të bëjë sërish ndërhyrje në të ardhmen. “Ndoshta po, por tani nuk jam më aq e fiksuar pas kësaj,” tha ajo.
Fox foli edhe për frikën nga plakja:
“Ky është shqetësimi im më i madh. Ka momente kur ndihem e lodhur, e zhgënjyer… Kur je e re dhe e bukur, ky është identiteti yt. Pastaj thua: duhet të mbetem e re dhe e bukur.”
Ajo shtoi se tani po përpiqet të pranojë ndryshimet: “Pyetja është: do të ndjek gjithmonë pamjen që kisha dikur apo do të zbuloj çfarë më pret më tej? Dua të shoh kush do të jem.”
Julia Fox është nënë e një djali 4-vjeçar, Valentino. Kohët e fundit, ajo ka lavdëruar yje si Kylie Jenner dhe Kristin Cavallari për transparencën e tyre në lidhje me operacionet plastike, duke theksuar se fshehja e tyre krijon standarde të rreme për vajzat e reja.
