Lapsi Video

Aplikacioni

Android iOS
Flash

Çmenden në avion lojtarët e Penarol, vjen denoncimi: “Nuk ka të bëjë fare me sportin”

Lapsi.al 20 August 2025
Çmenden në avion lojtarët e Penarol, vjen denoncimi: “Nuk
Një video e skuadrës së Penarol, e cila udhëton me avion nga Montevideo në Buenos Aires për të përballuar ndeshjen e kthimit të Copa Libertadores kundër Racing Club, ka shkaktuar polemika të ashpra dhe e ka shtyrë kompaninë ajrore Aerolineas Argentinas të distancohet nga ajo që u pa dhe u filmua: “Sjellje që nuk kanë të bëjnë fare me sportin”.

Njoftimi zyrtar i Kompanisë ajrore kundër Penarol

“Fiksimi ynë është siguria e pasagjerëve tanë. Pasioni ynë është t’u ofrojmë atyre shërbimin më të mirë. Na vjen keq për këtë lloj sjelljeje që nuk ka të bëjë fare me sportin”. Ky ishte njoftimi zyrtar i publikuar në një postim në profilin zyrtar të Aerolineas Argentinas në rrjete sociale, ku përfshihej edhe videoja që tregonte lojtarët e skuadrës uruguaiane, plotësisht jashtë kontrollit gjatë fluturimit. Një komunikatë që e ka vënë Penarol në dritë të keqe, me pesë herë kampionin e Copa që ka preferuar të mos i përgjigjet akuzave të AA.

Videoja e polemikave: lojtarë pa kontroll gjatë fluturimit

Një komunikatë e fortë dhe e vendosur, për t’u distancuar nga ajo që konsiderohet një sjellje në kundërshtim me çdo normë të sigurisë gjatë fluturimit: njerëz që kërcejnë dhe hidhen mbi sediljet e avionit, mbështetëse të çara e të dëmtuara nga goditje dhe shtyrje të vazhdueshme, pasagjerë të tjerë që pinin dhe këndonin pa asnjë kontroll. Kështu u shfaq skuadra uruguaiane e Penarol në fluturimin që e transportonte drejt Buenos Aires për t’u përballur me ndeshjen e kthimit të Copa Libertadores kundër Racing Club. Një ndeshje me në lojë çerekfinalet, të cilat për Penarol janë vetëm një hap larg pas fitores në shtëpi, në ndeshjen e parë. Në video, e cila u bë shumë shpejt virale, shihen të gjithë lojtarët duke kënduar dhe kërcejnë gjatë udhëtimit, duke shkelur çdo rregull bazë sigurie: një filmim që donte thjesht të ngrejë moralin e skuadrës, u shndërrua në një bumerang negativ për shoqërinë uruguaiane, tani në qendër të polemikave të rënda në prag të një prej ndeshjeve më të rëndësishme dhe delikate. Në një klimë që është bërë gjithnjë e më e tensionuar dhe e rrezikshme, pas faktit që pikërisht në prag të ndeshjes së parë në Montevideo tifozët argjentinas të Racing kishin denoncuar keqtrajtimet e pësuara nga shërbimet e sigurisë brenda stadiumit Campeón del Siglo, të detyruar të qëndronin brenda impiantit për plot 10 orë pas përfundimit të ndeshjes.

Të këshilluara

ide

Një vjeshtë me atmosferë fund regjimi

Qoftë zarat e partisë së vet që i hedhin vickla, qoftë qytetarët që e fishkëllejnë në rrugë, qoftë prokurorët e trimëruar të SPAK që janë afuar në oborrin e tij apo gazetarët ndërkombëtarë që e barabisin me kumbarin tregojnë një gjë, se kurba politike e Edi Ramës ka prekur fundin. Rrëfimi i propagandës së tij tashmë ka mbaruar.

16:19 Andi Bushati

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

MOTI TIRANA

20°c

KËMBIMI EURO

91.65

aktuale

Ndiqe Lapsin edhe në

Me interes nga publiku

Investigimi/ Si arriti Ergys Agasi të bëhet ‘koordinatori’ i Ramës me krimin

SPAK e akuzon se ndërtoi një grup të strukturuar kriminal për të kontrolluar tenderët publikë dhe se e shtriu ndikimin e tij në Policinë e Shtetit, AKSHI dhe Shërbimin Informativ. Ish-zv. kryeministri Arben Ahmetaj e ka përshkruar si ndërmjetës mes kryeministrit dhe botës së krimit. Si u transformua brenda një dekade ish-zyrtari i Ministrisë së Mjedisit në biznesmen me pasuri të mëdha dhe akses në nivelet më të larta të qeverisjes?

12:04

Me sytë katër

SPORT

Të tjerë artikuj

PAPARAZZI