Bayern Munich fitoi Superkupën kundër VfB Stuttgart 2-1 falë golave nga Harry Kane (32) e Luis Diaz (77’), ndërsa sulmuesi i Stuttgart i dëshiruar nga Bayern, Nick Woltemade ishte i pafat. Rekordmenët gjermanë festuan fitoren e tyre të parë në Superkupë që prej vitit 2022.
Të gjithë sytë te Woltemade!
Bayern është i dëshpëruar të nënshkruajë me sulmuesin gjerman. Ylli i Stuttgart vetë dëshiron gjithashtu lëvizjen dhe ka kohë që ka arritur marrëveshje personale me Bayern, por VfB mbetet i ashpër në negociata. Drejtori sportiv i Stuttgart, Fabian Wohlgemuth, i tha BILD: “Tani kemi fakte të qarta. Nick do të qëndrojë në Stuttgart përtej verës dhe do të vazhdojë rrugën me ne. Tema është e mbyllur për këtë vit kalendarik.”
Vendosën “anglezët” e Bayern
Bayern nisi ndeshjen më mirë, duke u afruar me raste nga Goretzka (6’), Olise (9’) dhe Gnabry (15’). Pastaj Kane (18’) goditi me mjeshtëri në këndin e poshtëm të majtë nga 15 metra dhe i dha Bayern epërsinë e shumëpritur! “Mbreti” Kane i tregoi Woltemade si bëhet. Gjermani i ri pati shansin e tij në minutën e 24’, por shpërdoroi një mundësi të artë nga rreth gjashtë metra, i ndalur nga Manuel Neuer. Olise humbi një rast të madh për golin e dytë të Bayern me kokë (38’).
Lexo më tej: Yamal udhëheq Barcelonën në Son Moix: Mallorca shembet me 9 vetë, përjashtohet Muriqi
Në pjesën e dytë, një goditje e Kane nga afër u ndalua nga një pritje brilante e portierit të VfB, Bredlow (62’), i cili luante në vend të Alexander Nübel, i dëmtuar në bërryl. Bayern Munich duhet të shqetësohet për Konrad Laimer, i cili u detyrua të zëvendësohej në minutën e 72’ për shkak dëmtimi. Pastaj Woltemade goditi me kokë mbi traversë nga rreth 8 metra (73’), ndërsa Neuer devijoi mbi shtyllë një goditje të devijuar të Leweling (74’).
Faktori vendimtar
I ardhuri i ri nga Liverpool, Luis Diaz, shënoi me kokë pas një krosimi të Gnabry nga pesë metra për 2-0 për Bayern (77’). Ylli i ri i bavarezëve festoi debutimin perfekt në Franz Beckenbauer Supercup kundër VfB Stuttgart. Ai shënoi pas asistit të Serge Gnabry dhe pavarësisht golit në shtesë (90'+4'), të Jamie Leweling, Bayern triumfoi 2-1 – tituli i parë në ndeshjen e tij të parë zyrtare për Diaz. Pasi shënoi, ai festoi para tribunës, u ul në fushë, e bëri sikur po luante PlayStation. Ekzaktësisht festimi tipik i ish-shokut të skuadrës Diogo Jota (†28), që humbi jetën në një aksident në 3 korrik. Stuttgart dhe Woltemade janë të zhgënjyer, Bayern feston!
