Një krim i rëndë ka tronditur Italinë. Partnerja dhe nëna e një 35-vjeçari janë bërë bashkë për vrasjen e të riut. Alessandro Venier u gjet i vdekur, i copëtuar, në bodrumin e shtëpisë së tij në Gemona të Friulit.
Dy gratë thuhet se kanë pranuar tashmë përgjegjësinë për vrasjen. Vdekja daton disa ditë më parë dhe pjesët e trupit ishin mbuluar me gëlqere të pashuar, ndoshta për të vonuar dekompozimin.
Karabinierët morën në pyetje partneren e tij, një grua 30-vjeçare kolumbiane dhe nënën e tij, një infermiere nga Gemona, e cila zotëronte shtëpinë. Çifti ka një vajzë 6-muajshe. Vajza e vogël është vendosur nën kujdesin e shërbimeve sociale komunale.
Dy gratë telefonuan stacionin e policisë në orën 10:37 të mëngjesit të sotëm. E dashura dhe nëna e viktimës u intervistuan nga karabinierët. Mediat italiane shkruajnë se shkak për krimin mund të jetë bërë një sherr i të riut me dy gratë, të cilat kanë reaguar pas sulmit të tij.
Të tjera media shkruajnë se përplasja kishte ndodhur pasi i riu nuk kishte përgatitur darkën dhe është akuzuar nga gratë se nuk punonte. Të njëjtat buruime shkruajnë se ai mund të jetë helmuar dhe më pas ndarë në pjesë.
Ai nuk punonte rregullisht, kalonte kohë të gjatë larg shtëpisë dhe sipas të njëjtave burime kishte pasur shpesh probleme në familje. Komuniteti lokal i qytetit të vogël friulian është i shokuar nga natyra brutale e krimit të rëndë.
Fqinjët thanë se nuk besojnë që edhe nëna të jetë përfshirë në krim pasi e konsiderojnë një infermiere të njohur që gjithmonë është kujdesur për të tjerët. ©LAPSI.al
