Është riaktivizuar sërish vatra e zjarrit pranë fshatit Kalasë në Delvinë. Terreni i vështirë e bën problematike ndërhyrjen nga toka.
Ndërkohë siç raportoi gazetarja Dorina Muhaj, flakët janë shumë pranë banesave.
“Deri më tani nuk kemi parë që të ketë ndërhyrje si nga toka dhe nga ajri. Kanë qenë banorët që kanë shkuar në vendin ku është rindezur zjarri”, raportoi ajo.
Ndërkohë një ditë më parë, nga fshati pati një evakuim të banorëve. Një pjesë e tyre janë rikthyer në shtëpitë e tyre pavarësisht rrezikut që paraqet edhe sot.
“Pothuajse gjithë pjesa e malit që të çon në Lukovë ka rrezik të shkrumbohet e gjitha”, raportoi gazetarja.
