Petrit Çakrri dhe Fation Bushgjokaj, të dyshuar për vrasjen e 23-vjeçarit Renis Dobra në Burrel, janë transferuar në paraburgimin e burgut 313 në Tiranë, pas vendimit të Gjykatës së Dibrës, e cila caktoi ndaj tyre masën e sigurisë “arrest me burg”.
Transferimi u bë për arsye sigurie, pasi në burgun e Burrelit punojnë të afërm të viktimës.
Ndërkohë, dy të dyshuar të tjerë, vëllezërit Aleksandër dhe Kristi Bushgjokaj, janë në kërkim të autoriteteve, pasi dyshohet se janë larguar nga vendi përmes Kosovës.
Hetimet për zbardhjen e plotë të kësaj ngjarjeje vijojnë, ndërsa policia dhe prokuroria janë duke bashkëpunuar edhe me autoritetet ndërkombëtare për kapjen e personave në arrati.
