Dy persona mbetën të plagosur rëndë nga të shtënat me armë mesditën e sotme në lagjen nr. 4 të Sarandës, pranë stadiumit të qytetit. Viktimat janë Ernest Lama, 24 vjeç, dhe Gëzim Hoxhaj, 32 vjeç, të cilët pasi morën ndihmën e parë në spitalin lokal, u transportuan drejt Spitalit të Traumës në Tiranë.
Ernest Lama rezulton person me precedent penal; ai ishte arrestuar në korrik 2024 për organizim të lotarive të paligjshme në Kamëz.
Policia dhe prokuroria e Sarandës po hetojnë për identifikimin e autorit dhe zbardhjen e plotë të rrethanave të ngjarjes.
