Andy Byron, drejtori ekzekutiv i “Astronomer”, një prej komopanive të mëdha amerikane të teknologjisë e pa veten në një moment tejet të sikletshëm, kur një kamera në stadiumin ku po ndiqte një koncert të Coldplay, në Boston, Massachusetts, e fokusoi atë së bashkë me një grua të panjohur.
Ai ishte përqafuar me drejtoreshën e personelit të kompanisë së tij, Kristin Cabot dhe u habit kur ky moment u shfaq në ekranin e madh. Në pamjet që po bëjnë xhiron e rrjetit, duket sipërmarrësi që shtanget dhe tenton të fshihet ndërsa punonjësja e tij, që “u kap mat” i kthen kurrizin kamerës.
“Oh, shihini këta të dy“, tha vokalisti i grupit Chris Martin ndërsa kamera kapi çiftin e përqafuar. Por, kur Byron dhe Cabot u ndanë me shpejtësi nga njëri-tjetri, artisti shtoi me humor “në rregull, hajde tani… ose kanë një lidhje të fshehtë ose janë thjesht të turpshëm”.
Mediat e huaja shkruajnë se ende nuk ka ende asnjë reagim nga Andy Byron dhe as nga gruaja e tij, Megan Kerrigan Byron lidhur me "incidentin". Manjati i teknologjisë është kreu i një prej kompanive me rritjen më të shpejtë në infrastrukturën e të dhënave. Astronomer, një kompani zhvillimi softuerësh raportohet se vlen më shumë se 1.3 miliardë dollarë.
Ai ka qenë në këtë pozicion që nga korriku i vitit 2023, sipas faqes së tij në LinkedIn. Përpara se t'i bashkohej Astronomer, Byron mbajti role drejtuese në disa sipërmarrje të fokusuara në teknologji. Ai ishte relativisht i panjohur jashtë sektorit të teknologjisë... të paktën deri këtë javë.
Cabot është Drejtoresha e Burimeve Njerëzore e Astronomer prej 9 muajsh. Shefja e stafit e cila ka mbiemrin e dytë Thornby në kllapa, mburret në faqen e saj në Linkedin se fiton "besimin e punonjësve të të gjitha niveleve, nga CEO-t te menaxherët dhe asistentët". ©LAPSI.al
