Edi Rama bën të habiturin shumë me legalizimin e një shtese lokali që ka bërë një prej drejtorëve të tij në Kadastër në Tiranë. Vendimi për legalizim është marrë në muajin mars të këtij viti. Ndërkohë sot është marrë një tjetër vendim që shfuqizon vendimin e parë.
Nuk po i hyjmë fare cështjes se kush ka të drejtë, kryeministri apo subjekti që ka përfituar legalizim, por në thelb sjellja e shtetit këtu është qesharake.
Njëri drejtor ta legalizon, tjetri pas 3 muajsh shfuqizon vendimin e të parit. Një shtet serioz nuk sillet kurrë në këtë formë sepse ligji është i ftohtë e duhet të zbatohet sic është shkruar.
Me kamzhikun e Edi Ramës në kokë, drejtorët e zgjedhur prej tij marrin vendime të çuditshme.
E po të ecim me këtë logjikë, pas disa muajsh mund të dalë një drejtor tjetër e të shfuqizojë sërish vendimin e sotëm të cilin Rama e publikoi në Facebook dhe legalizimi i parë të legalizohet sërish. Çfarë karagjozllëku! ©Lapsi.al
