Quhet NWA 16788, një meteorit prej 24.67 kilogramësh i gjetur në Niger, në shkretëtirën e Saharasë në vitin 2023. Është mostra më e madhe marsiane e gjetur ndonjëherë në Tokë dhe që u shkëput nga Planeti i Kuq pas goditjes nga një asteroid gjigant.
Ai udhëtoi 140 milionë kilometra nëpër hapësirë dhe kaloi nëpër atmosferën e Tokës përpara se të përplasej në shkretëtirën afrikane, në rajonin e Agadez.
Historia e meteoritit marsian është rikthyer sepse ekzemplari i çmuar do të nxirret në një ankand në Nju Jork nga një shtëpi e madhe ankandesh. Universiteti i Firences studioi NWA16788 pasi ai u ble fillimisht nga një italian.
"NWA 16788 e ka origjinën nga shkrirja e pjesshme e një burimi të pasuruar të mantelit marsian dhe karakterizohet nga një strukturë me kokërr të trashë e përbërë kryesisht nga piroksen, maskelinit (qelq i formuar nga impakti i asteroidit) dhe olivinë. Origjina e meteoritit u vërtetua në vitin 2025 nga Buletini Meteoritik” – thuhej në studim. ©LAPSI.al
