Në kuadër të porosive të Kryeministrit paraqitën sot dorëheqjen 15 Drejtorë dhe 13 Administratorë të Njësive Administrative tek Bashkia Lushnje.
Ky është konfirmimi zyrtar nga ana e zëdhënëses së shtypit pranë bashkisë Lushnje.
Kjo valë dorëheqjesh vjen pas ultimatumeve të kryeministrit Rama, i cili në mbledhjen e fundit me kryebashkiakët e vendit, la porosi që deri të hënën (sot) të jenë larguar të gjithë drejtuesit e njësive administrative në 61 bashkitë e vendit.
Pak më parë u dha lajmi i dorëheqjeve në bashkitë e Shkodrës dhe Librazhdit.
