Pavarësisht orëve të vona, nata nuk është e qetë për Thethin prej zhurmës së fadromave. Të habiturit e mëdhenj në këtë situatë janë edhe turistët.
Prishja e subjekteve pa leje do të vazhdojë edhe gjatë natës.
Forcat e IKMT-së kanë hapur katër fronte ku po prishin objektet. Aksioni do të vijojë përgjatë gjithë natës për të vazhduar edhe ditën e nesërme.
Ndërkohë harta e objekteve për t’u prishur sa vjen e shtohet. Fillimisht u fol për 40, por tani ky numër ka shkuar në 120 objekte që do rrafshohen.
Një pjesë e strukturave janë të çmontueshme, por në lartësinë e maleve janë vendosur struktura të ndërtuara me gurë dhe me beton.
Në Theth janë vendosur nëntë furgonë policie të Forcave të Ndërhyrjes së Shpejtë dhe Shqiponjave.
Lëvizja e uniformave blu vjen pas incidentit të rëndë në mesditë ku u hodh molotov.
Fatmirësisht nga ngjarja nuk pati të lënduar apo dëme materiale.
