Autostrada A-52 është rruga kryesore që lidh Portugalinë Veriore me Spanjën dhe sipas informacioneve më të fundit, Diogo Jota dhe vëllai i tij André po udhëtonin nga Porto për në Bilbao me qëllim që të merrnin tragetin për në Portsmouth të Anglisë.
Prej andej ata do të vazhdonin udhëtimin e tyre me rrugë tokësore për në Liverpool (nuk është e qartë nëse edhe André do të udhëtonte gjithashtu për në Angli apo do të kthente makinën në Porto).
Megjithatë, në kilometrin e 65-të të rrugës së ngarkuar me trafik, ndodhi incidenti fatal. Policia spanjolle fillimisht raportoi se në një përpjekje për të parakaluar, një nga gomat e Lamborghini-t të drejtuar nga Jota shpërtheu, duke bërë që ai të humbiste kontrollin e automjetit, të dilte nga rruga dhe të shpërthente në flakë.
Pak sekonda më vonë, një shofer kamioni që kalonte aty pranë regjistroi momentet tronditëse të makinës së përfshirë nga flakët. Supermakina "u shkri" dhe, pasi zjarri u shua, nuk mbeti asgjë tjetër përveç një grumbulli hekuri pa formë. ©LAPSI.al
