I riu që u arerstua sot nga policia e Tiranës pas një ndjekjeje si nëpër filma në mes të Tiranës është Skerdi Sina. Ai nuk i ndaloi policisë së bashku me një person tjetër pasi në makinë kishin një pistoletë të cilën e hodhën në rrugë.
PER ME SHUMË LEXO: PAMJET/ Nuk iu bind policisë, “Audi Q8” përplasi 3 makina në ish-Bllok
Sina ka qenë shok i Aleksandër Sadikajt i vrarë në vitin 2022. Ai ka qenë ndër emrat e përfshirë në festën me alkool dhe drogë të ndodhur në Astir në janar të këtij viti.
Së bashku me Sinën u shpallën në kërkim edhe Ogert Alia, Joni Sadikaj, Arnold Jaho dhe Anduel Alia. Në lidhje me ngjarjen janë pyetur edhe tre vajzat midis tyre edhe 21-vjeçarja, e cila pretendon se është mbyllur me forcë në banesë.
Midis të rinjve që kanë festuar ka qenë dhe një avokate e cila ka treguar detaje mbi festën ku u përdor alkool e dyshohet se edhe kokainë. “Shoqja humbi vetëdijen nga alkooli”, mësohet se ka thënë avokatja atë kohë.
Gjithçka nisi kur një 21-vjeçare e mbyllur në banesë alarmoi forcat speciale. Të rinjtë janë nga qyteti i Vlorës dhe janë persona me probleme penale. Ata dyshohet se e kanë dërguar kokainën me të cilën është festuar një natë para ngjarjes si edhe gjurmët e tyre janë gjetur në armët tip pistoletë me silenciator.
E reja kishte lidhje me njërin nga djemtë për të cilin babai nuk ishte dakord dhe sipas kamerave ka shkuar në banesën e marrë me qira ku edhe qëndronin zakonisht. Oficerët dyshojnë se për shkak të gjendjes së saj nën ndikimin e alkoolit dhe drogës ” miqtë” duhet ta kenë mbyllur në banesë. /TCH
