Biznesmeni Jared Kushner ndodhet për një vizitë në Vlorë, teksa është shoqëruar nga bashkëshortja tij, vajza e Donald Trump, Ivanka Trump.
Në një vizitë të papritur vajza e presidentit Trump së bashku me bashkëshortin e saj dhe tre fëmijët e tyre, pasi kanë vizituar gjirin e Vlorës me mjet lundrues tip Jaht dhe kanë ngrënë darkë në një restorant në Vlorë.
Sipas informacioneve, ata kanë kërkuar të konsumojnë produkte deti, por dhe ato tradicionale.
Pasi kanë qëndruar disa orë, kanë ata kanë pritur dhe perëndimin e diellit mbi ishullin e Sazanit.
Ndërkohë që mbi 100 forca kanë qenë në gatishmëri duke survejuar zonën. Pasi kanë konsumuar darkën dhe kanë bërë foto në perëndimin e diellit në sfond, janë larguar sërish me mjet lundrues.
Në fotografinë e realizuar në bregdetin e Vlorës, çifti shfaqet në praninë e një prej kuzhinierëve në Vlorë.
Projekti, me një vlerë të parashikuar investimi prej 1.4 miliardë eurosh, synon ndërtimin e një marine turistike, rezidencash elitare, zone gastronomike dhe akomodimi në një sipërfaqe prej 45 hektarësh në 8 për qind të ishullit.
Komiteti i Investimeve Strategjike i dha statusin investitor strategjik kompanisë së lidhur me Jared Kushner për ndërtimin e një resorti turistik në ishullin e Sazanit.
Vendimi u mor më 30 dhjetor, duke pranuar propozimin e kompanisë “Atlantic Incubation Partners LLC”, ku sipas vendimit, në ishull parashikohet një investim prej 1.4 miliardë eurosh dhe ndërtimi parashikohet të shtrihet në 8 për qind të ishullit ose 45 hektarë.
Planet për ndërtimin e një resorti turistik luksoz në Sazan dhe një tjetri në Zvërnec nga Kushner dhe kompanitë e lidhura me të, u bënë publike në fillim të vitit 2024.
