Gjykata e Posaçme kundër Korrupsionit dhe Krimit të Organizuar ka dënuar me 1 vit burg Eglantina Zeren, ish-anëtare e Komisionit të Vlerësimit të Ofertave në Bashkinë e Tiranës. Për shkak të gjykimit të shkurtuar, ajo përfitoi ulje të dënimit dhe do të vuajë përfundimisht 8 muaj heqje lirie.
Zere është një nga të pandehurat në çështjen e njohur si “Dosja 5D”, ku në gjyq ndodhen edhe dy ish-drejtues të Bashkisë së Tiranës: Redi Molla dhe Mariglen Qato.
Gjykata dënoi gjithashtu me nga 9 muaj burg katër të pandehur të tjerë: Enkelejda Qyta, Bruno Koçi, Rivjola Baxha dhe Kristo Zhulati. Edhe këta persona përfituan nga procedura e gjykimit të shkurtuar, duke u dënuar përfundimisht me nga 6 muaj burg secili.
Të gjashtë të pandehurit u shpallën fajtorë për akuzën e “Shkeljes së barazisë në tendera”, në lidhje me procedura të dyshimta të prokurimit publik në Bashkinë e Tiranës.
