Lufta mes Ukrainës dhe Rusisë nuk po zhvillohet vetëm në frontin tokësor, por edhe në hapësirën ajrore, ku të dyja palët po synojnë objektiva strategjikë me sulme të ndërsjella.
Së fundmi, imazhe satelitore kanë zbuluar se forcat ukrainase kanë rrëzuar një avion spiun rus Beriev A-50, një platformë e avancuar e vëzhgimit dhe kontrollit ajror. Ky avion është një mjet i çmuar për ushtrinë ruse, pasi përdoret për zbulim, koordinim të operacioneve ajrore dhe mbledhje të të dhënave për objektiva armike.
I bazuar në trupin e avionit transportues Il-76, Beriev A-50 është i pajisur me radar të fuqishëm që mund të zbulojë objektiva në distanca të gjata. Rusia zotëron një numër të kufizuar avionësh të këtij tipi. Sipas mediave ndërkombëtare, përfshirë edhe portalin ‘BT’, avioni i rrëzuar së fundmi u godit në bazën ajrore të Ivanovos, në territorin rus.
Nuk është hera e parë që Rusia humbet një A-50. Në janar 2024, një avion i tillë u rrëzua në Detin e Azovit në rrethana të paqarta.
Sulmi i fundit vjen në kuadër të ofensivës ukrainase kundër bazave ajrore ruse, ku janë të stacionuar bombardues strategjikë si Tu-95, Tu-22 dhe Tu-160, avionë të përdorur nga Moska për sulme të gjëra mbi Ukrainën.
