Më shumë se një vit pas dështimit në box office të filmit superheroik të vitit 2024, “Madame Web”, Dakota Johnson rikthehet pas për të shpjeguar arsyet pse projekti nuk funksionoi.
Në një intervistë për Los Angeles Times, aktorja 35-vjeçare tha se dështimi i filmit nuk ishte faji i saj. Ajo shpjegoi se shumë vendime krijuese në Hollywood merreshin nga komitete ose nga njerëz që nuk kanë sens krijues, çka e bën të vështirë realizimin e artit apo të diçkaje argëtuese.
“Madame Web” filloi si një projekt i caktuar, por më pas ndryshoi shumë gjatë prodhimit, dhe Dakota thotë se ishte thjesht “pjesë e udhëtimit”. Ajo theksoi se dështimet në filma me buxhete të mëdha janë të zakonshme.
Filmi mori kritika negative dhe fitoi çmimet Razzie për filmin, skenarin dhe aktrimin më të keq, por Dakota nuk duket e shqetësuar për këtë. Ajo tha se nuk ka frikë të provojë sërish, edhe në projekte më të vogla, dhe që nuk e merr shumë seriozisht dështimet.
Aktualisht, Dakota është e fokusuar në filmin e ri Materialists, një komedi romantike ku luan rolin e një organizuese martesash në Nju Jork, e cila ndodhet mes dy dashurive të saj, me aktorët Chris Evans dhe Pedro Pascal.
Dakota tha se i pëlqen shumë komeditë romantike që kanë shpirt dhe të cilave mund t’i lidhet me personazhet, gjë që ndonjëherë i ka munguar në ofertat e mëparshme.
