Producenti i njohur Benny Blanco fejuar me këngëtaren dhe aktoren Selena Gomez rëfeu në një intervistë ekskluzive për InStyle dëshirën e tij të madhe për të pasur fëmijë.
Blanco tha se i adhuron fëmijët dhe “ëndërron dhe lutet çdo ditë” që një ditë të bëhet baba. “Dua të jem baba, me ndihmën e Zotit,” tha ai, duke shtuar se dëshiron shumë të ndajë këtë përvojë familjare.
Selena Gomez, e cila ndan emocionet dhe entuziazmin e partnerit të saj, foli në podcastin e Jay Shetty për dashurinë që ka ndaj fëmijëve dhe për përgatitjet që po bëjnë për të nisur një familje. Gomez tha se ka një lidhje shumë të ngushtë me motrën e saj më të vogël, 11-vjeçaren Gracie, dhe mezi pret momentin që të bëhet nënë: “Më pëlqen të bëj fëmijët të qeshin; janë shumë të ëmbël, kështu që kur të vijë ai moment, do jem shumë e emocionuar.”
Megjithatë, Selena ka zbuluar më parë se për shkak të komplikacioneve shëndetësore nuk mund të mbajë vetë fëmijët e saj. Ajo është diagnostikuar me lupus, një sëmundje autoimune, dhe për këtë arsye ka nevojë për mënyra alternative për të krijuar familje, si surrogaci ose adoptim. “Ishte një periudhë e vështirë për mua që të përballoja këtë humbje, por tani jam më e qetë dhe mirënjohëse për opsionet që kam,” tha ajo.
