Ana de Armas luan përkrah Keanu Reeves në filmin më të ri aksion "Ballerina", i cili do të shfaqet në kinema të premten, më 6 qershor. Ky prodhim është një nga më të shumëpriturit e vitit, veçanërisht nga fansat e universi "John Wick", pasi bëhet fjalë për një spin-off që zhvillohet mes kapitullit të tretë dhe të katërt të sagës.
Gjatë promovimit të filmit, Ana dha një intervistë për revistën Women's Wear ku u shpreh se bashkëpunimi me Keanu-n ishte një nga përvojat më emocionuese të karrierës së saj.
"Dita që takova Keanu-n, ai sapo kishte përfunduar xhirimet e filmit të parë ‘John Wick’ dhe na tregonte për të gjatë drekës. Ishte çmenduri sepse unë jam rritur duke parë filmat e tij si 'Speed', 'Matrix' dhe shumë të tjerë. Dhe tani nuk më besohej që po punoja me të," – rrëfeu Ana, duke shprehur entuziazmin për këtë bashkëpunim.
Më tej, ajo shtoi:
"Edhe tani që jam pjesë e diçkaje që ka kaq shumë rëndësi për të, në të cilën ai ka investuar kaq shumë… Të isha pjesë e këtij filmi, ndjehej sikur më kishte dhënë bekimin e tij, apo sikur po më dorëzonte stafetën."
Në fund, aktorja tregoi për përditshmërinë në xhirime me Keanu-n:
"Ai është i pamëshirshëm. Është si unë – perfeksionist. Duam t’i përsërisim skenat vazhdimisht, kurrë nuk është mjaftueshëm. Është e vështirë të thuash ‘cut’ kur po xhirojmë," – zbuloi ajo.
