Aktorja meksikane Eiza González ka vetëm fjalë të mira për ish-të dashurin e saj, Timothée Chalamet, dhe lidhjen e tij me Kylie Jenner.
Në një episod të ri të emisionit "Cheap Shots" nga Cosmopolitan, ajo u pyet përse pëlqeu një foto të çiftit në rrjete sociale – e cila duket se ishte realizuar gjatë Çmimeve David Di Donatello në fillim të majit.
“Duken kaq të këndshëm bashkë,” u shpreh González. “Duken të dashuruar dhe shumë të ëmbël. Jam e fiksuar pas tyre, dhe e dua Timmy-n.”
Eiza, e cila u përfol për një romancë me aktorin 29-vjeçar në vitin 2020, shtoi se Chalamet është “djali më i talentuar dhe më i ëmbël që njoh” dhe theksoi se është krenare për suksesin e tij në karrierë. “Jemi vetëm miq të mirë. Kam vetëm fjalë të mrekullueshme për të.”
Dyshja u fotografuan për herë të parë në qershor 2020 gjatë një pushimi në Cabo San Lucas, Meksikë. Një burim për People asokohe konfirmoi se kishin udhëtuar me miq dhe “dukeshin të lumtur së bashku”, por u ndanë brenda pak muajsh.
Ndërkohë, lidhja e Chalamet me miliarderen e “Kylie Cosmetics”, Kylie Jenner, 27 vjeç, është kthyer në një nga romancat më të përfolura të Hollywood-it. Çifti u lidh për herë të parë në prill 2023 dhe u fotografuan duke u puthur gjatë koncertit të Beyoncé në shtator të po atij viti.
Debutimi i tyre në tapetin e kuq ndodhi në muajin maj, gjatë Çmimeve të 70-ta David Di Donatello, pas një sërë paraqitjesh të tjera publike, duke përfshirë festivalin Coachella dhe ndeshjet e NBA.
