Nëse në mendjen tuaj, e konceptoni Edi Ramën si një kryeministër të cilit i bie bretku në punë, duke menduar sa për GDP, sa për taksat e sa për luftën kundër korrupsionit, e keni gabim. Një imazh më i vërtetë është ai që na ka sjellë një influencer i njohur në moshat e reja, Speed, ose ndryshe Shpejtimi, i cili këtë të premte ishte në Gjermani për të parë nga afër seancat stërvitore të dy skuadrave finaliste të Champions League.
Ndërsa po realizonte transmetimin live në Youtube, pranë Speed është afruar djali i kryeministrit Zaho Rama, që i kërkon një fotograf, ndërsa një vajzë që e shoqëron atë i shpjegon influencerit se ai është djali i Edi Ramës, të cilin ai mund ta takonte.
Kjo ftesë ka nxjerrë zbuluar kryeministrin Edi Rama, që shumëkush mendon se është në zyrë duke punuar, ndërkohë që ai ka udhëtuar drejt Gjermanisë për të ndjekur stërvitjen e lojtarëve Inter dhe PSG një ditë para finales së madhe bashkë me kreun e Federatës Shqiptare të Futbollit, Armand Duka.
[caption id="attachment_1005027" align="alignnone" width="1842"]
Screenshot[/caption]
Kamera e transmetimit e ndjek Speed deri në tribunën VIP të stadiumit, aty ku gjen Edi Ramën që ishte shtruar në muhabet me Dukën. Video më poshtë:
https://youtu.be/DHyGz0zILe0?t=10992
Nga filmimet mund të shihni se Rama vihet në siklet për vizitën e papritur dhe me të drejtë. Çdo kryeministër do të donte që populli të mendojë sikur ai e shtron kurrizin në punë për të hapur kapitujt e integrimit, për të na ulur çmimet, për të na siguruar më shumë rend dhe siguri, për të mbajtur nën presion vartësit që të mos hanë mollë e dardha pas shpine. Por në vend se të punojë, duket se ky e ka mendjen të bëjë sehir nëpër shkallët e stadiumeve ndeshjet e Champions League.
[caption id="attachment_1005033" align="alignnone" width="1842"]
Screenshot[/caption]
