Presidenti francez Emmanuel Macron mohoi të hënën çdo “mosmarrëveshje familjare” me gruan e tij Brigitte, pasi një video e shfaq atë duke e goditur presidentin, ndërsa mbërritën në Vietnam për një vizitë diplomatike.
"Po bënim shaka siç bëjmë shpesh”, u tha ai gazetarëve në Hanoi.
“Një video mund të bëhet për të thënë shumë video të pakuptimta, të pakuptimta dhe thjesht po bëja shaka me gruan time, siç bëjmë shpesh”, shprehet Macron.
Ai shpjegoi se edhe video të tjera ishin keqinterpretuar sikur e tregonin duke ndarë një qese kokaine ose duke u përballur me presidentin turk. “Asnjë nga këto nuk është e vërtetë”, tha ai, dhe “të gjithë duhet të qetësohen”.
“Për mua, kanë kaluar tre javë. Nëse shikoni axhendën ndërkombëtare të presidentit francez, nga Kievi në Tiranë e deri në Hanoi, ka njerëz që kanë parë video dhe mendojnë se kam ndarë një qese kokaine, se kam pasur një takim kokë më kokë me një president turk dhe se tani po zihem me gruan time. Asnjë nga këto nuk është e vërtetë, megjithatë ato tre video janë të vërteta. Pra, të gjithë duhet të qetësohen dhe të përqendrohen te lajmet e vërteta.”, shtoi Macron.
Ndërsa po ulej nga avioni në Vietnam u shfaq video ku duket se bashkëshortja e Macron e shtyn me dorë në faqe bashkëshortin e saj i cili mbrohet e më pas përshëndet me dorë mikpritësit e tij poshtë shkallëve të avionit.
