Zyra e prokurorit publik të Belgjikës të Halle-Vilvoorde kërkoi dënime me burgim nga 2 deri në 10 vjet kundër tre personave që dyshohet se janë përfshirë në një sulm me armë në Asse në maj 2023. Sipas zyrës së prokurorit publik, të shtënat ishin një përpjekje e dështuar për një vrasje brebda komunitetit shqiptar. Objektivi, një 44-vjeçar shqiptar, ishte vetë i kërkuar për vrasje.
Të shtënat ndodhën natën e 6-7 majit në Frans Thirrystraat në Zellik, një nënkomunë e Asses. Të paktën 8 vrima plumbash u gjetën nëpër shtëpi dhe makina në vendngjarje. Policia gjeti 10 gëzhoja të kalibrave të ndryshëm. Dëshmitarët thanë se panë dy persona që futën një burrë të tretë të plagosur në një automjet dhe ikën me vrap.
“Hetimet treguan se të tre ata në fakt kishin në shënjestër banorin e një ndërtese në Frans Thirrystraat, një 44-vjeçar shqiptar i cili kërkohej për një vrasje në Shqipëri. Megjithatë, njëri nga sulmuesit u plagos, ndërsa 44-vjeçari shqiptar mbeti i padëmtuar dhe u largua menjëherë jashtë vendit pas incidentit”, - tha zyra e prokurorit publik.
Automjeti me të cilin tre atentatorët kishin lëvizur u gjet i djegur më vonë atë mëngjes në Oudenaarde. Sipas zyrës së prokurorit publik, autorët ikën me një “Porsche Cayenne” me targa rumune. Ai automjet mund të lidhet dy rumunë, detaj i zbukuar nëpërmjet hetimeve telefonike dhe kërkimeve në Gjermani.
“Autori i plagosur, një 37-vjeçar u soll në një spital holandez me një “Porsche Cayenne” në orët pas incidentit. Megjithatë, ai u zhduk pa gjurmë edhe pas qëndrimit në spital” - tha prokurori.
Zyra e prokurorit publik tani po e ndjek penalisht atë për tentativë vrasjeje dhe ka kërkuar një dënim me 10 vjet burg për të. Një dënim me 2 vjet burg u kërkua edhe ndaj dy rumunëve, të cilët thuhet se i kanë ndihmuar 3 sulmuesit. /LAPSI.al
