Kandidati për deputet i Partisë Demokratike në Korçë, Enton Çaçani, ka denoncuar se administrata e Bashkisë Kolonjë po intimidon qytetarët dhe po shpërndan para. Po ashtu Çaçani pretendon se punonjësit e administratës janë përpjekur të nxjerrin fletët e votimit nga qendrat e votimit. Sipas tij kjo është planifikuar të ndodh edhe ditën e nesërme.
“Administrata e Bashkisë Kolonjë po shpërndan para dhe po blen vota. Po intimidon votuesit në këto momente kritike...Do përpiqen ta bëjnë dhe nesër gjate votimit, kështu i kane planet. I dimë te gjitha. Informacioni vjen i siguruar nga brenda tyre”, shkruan Çaçani, ndërsa i ka bërë thirrje urgjente Task-Forcës së SPAK.
Përmes një postimi të shpërndarë në rrjete sociale, Çaçani i bën thirrje urgjente Task-Forcës së SPAK dhe të gjitha institucioneve për të ndalur, siç e cilëson ai, “krimin elektoral që po ndodh në terren”.
