Ambasada amerikane në Tiranë ka publikuar së fundmi një mesazh të rëndësishëm për qytetarët në lidhje me zgjedhjet e 11 majit. Ambasada shkruan se vota është zëri i qytetarëve dhe se ajo nuk ka çmim.
Më tej theksohet se përmes votës përcaktohet e ardhmja e votuese. Ky mesazh vjen dy ditë para zgjedhjeve ndërsa partitë politike po përgatiten që sot të mbyllin fushatën elektorale.
Gjatë fushatës janë denoncuar nga partitë politike raste të krimeve elektorale nga blerja e votës dhe presionet ndaj qytetarëve për të votuar më 11 maji. Mesazhi i ambasadës thekson rëndësinë e votës dhe fuqisë që ka çdo qytetar për të zgjedhur qeverinë që do të drejtojë vendin dhe se duhet votuar pa e shitur atë.
"Vota jote është zëri yt. Vota jote është e ardhmja jote. Vota jote nuk ka çmim," shkruhet në postim.
