Ka përfunduar në Shkodër mbledhjen e Task Forcës për krimet zgjedhore, ku ka marrë pjesë kreu i SPAK, Altin Dumani, kreu i prokurorisë së qarkut verior, drejtori i policisë së qarkut dhe përfaqësues të tjerë të institucioneve ligjzbatuese.
Më pas Kreu i Prokurorisë së Posaçme, Altin Dumani ka mbërritur në Lezhë ku pritet të mbajë edhe një mbledhje.
Në fokus të këtyre takimeve janë diskutimet për krimet zgjedhore.
Byroja Kombëtare e Hetimit dhe Policia e Shkodrës kanë kryer disa kontrolle dhe veprime hetimore në disa zona të Qarkut Shkodër.
Më konkretisht në Malësi të Madhe, Bardullush, Bushat dhe Mjedë.
Kontrollet kanë nisur në bazë të disa indicieve dhe informacioneve që ka pasur Policia e Shkodrës, e cila më pas ia ka referuar Strukturës së Posaçme Antikorrupsion.
