Këngëtarja 37-vjeçare, Rihanna është shtatzënë me fëmijën e saj të tretë me A$AP Rocky, konfirmoi një burim për Page Six.
Të hënën, Rihanna tregoi barkun e rrumbullakosur pranë hotelit Carlyle në New York, përpara se të shkonte në Met Gala 2025. E veshur me një kostum gri me dy pjesë, çorape deri në gjunjë dhe taka gri, ajo gjithashtu mbante një shall prej gëzofi për të mbuluar pjesërisht barkun. Rocky e konfirmoi shtatzëninë e saj në tapetin e kuq, duke thënë se veshja e saj do të ishte çfarëdo, vetëm të mos ia mbulojë barkun e bebes.”
Çifti kanë tashmë dy djem: RZA (lindur në maj 2022) dhe Riot Rose (lindur në gusht 2023). Rihanna ka shprehur më parë dëshirën për një familje të madhe dhe shpreson që fëmija i tretë të jetë vajzë, pasi tha me shaka: “Do të kryqëzojmë gishtat.”
Ajo e ka theksuar rëndësinë e dashurisë dhe lumturisë në rritjen e fëmijëve, pavarësisht nëse ka apo jo një partner në jetën e saj. Rihanna dhe A$AP Rocky kanë qenë së bashku publikisht që nga viti 2020, por njihen që prej vitit 2012.
