Vijon vendi ynë nën mbizotërimin e masave ajrore të qëndrueshme duke sjellë në territor mot të kthjellët dhe temperatura të larta ku vlera më të larta do të shënohen në zonat qëndrore dhe jugore të vendit.
Përsa i përket motit, kthjellimet do të jenë prezente deri pasdite kur priten grumbullim i vranësirave në skajin verlindor – juglindor duke rrezikuar rrebeshe shiu si edhe breshër në zona të izoluara. Parashikohet që orët e vona të mbrëmjes të përmirësojnë sërisht dukshëm kushtet atmosferike në të gjithë territorin.
Temperaturat e ajrit do të pësojnë rritje në të dy vlerat ekstremale ditore duke u luhatur nga 7°C vlera më e ulët në qytetin e Pukës deri në 31°C vlera më e lartë e cila pritet në qarqet; Elbasan dhe Berat. Era do të fryjë e lehtë në tokë dhe mesatare në det duke arritur shpejtësinë maksimale deri në 45 km/h nga drejtimi veriperëndimor, për pasoje në brigjet detare do të krijohet dallgëzim mbi 2 ballë.
