Evra kërkon të rrahë në oktagon "kafshuesin": larje hesapesh me Suarez në MMA

Patrice Evra ka njoftuar për gjithë botën jetën e tij të dytë sportive: do të ngjitet në oktogon, në botën e MMA-së (artet marciale të përziera), për të cilën ish-kampioni i futbollit është stërvitur ashpër prej kohësh. Dhe për ndeshjen e tij të parë, që tashmë ka një datë, më 23 maj, ai ka shprehur edhe dëshirën se me kë do të donte të përballej. Do të ishte një kundërshtar i veçantë: Luis Suarez, duke rizgjuar një rivalitet të vjetër që daton nga koha e Premier League dhe që nuk është zgjidhur kurrë, edhe pas kaq vitesh.

𝙁𝙊𝙐𝙍 𝙒𝙀𝙀𝙆𝙎 𝙏𝙊 𝙂𝙊! 🇫🇷 The PFL returns to Paris on Friday May 23rd, as Mansour Barnaoui goes head to head with Archie Colgan in the main event. Taylor Lapilus makes his PFL debut when he takes on 2024 PFL MENA bantamweight champion Ali Taleb! Undefeated Belgian… pic.twitter.com/qF6wjuqoOy

— PFL Europe (@PFLEurope) April 25, 2025

Çfarë ndodhi mes Evra dhe Suarez në Premier League

Midis Luis Suarez dhe Patrice Evra nuk ka pasur asnjëherë marrëdhënie të mira. Janë më shumë se 10 vite që të dy nuk e kanë zgjidhur ende një çështje që i përket kohës së Premier League. Më saktësisht, duhet të kthehemi në nëntor 2011, kur Luis Suarez u ndëshkua rëndë nga Federata Angleze e Futbollit, pasi francezi e akuzoi atë për fyerje raciste gjatë një ndeshjeje mes Liverpool dhe Manchester United. Në atë periudhë, sulmuesi uruguaian u pezullua për plot tetë ndeshje, pavarësisht mohimit të vazhdueshëm të akuzave që iu drejtuan. Disa kohë më vonë, pati një tjetër përballje mes Suarez dhe Evra, që kulmoi me refuzimin e famshëm të Pistoleros për t’i dhënë dorën Evras para fillimit të ndeshjes.

Evra cinik, i kujton Chiellinin: “…mund të më kafshojë edhe mua”

Plagë të vjetra që kanë dalë sërish në sipërfaqe pas shumë vitesh dhe që vetë Evra i ka rikthyer me rastin e njoftimit të tij për debutimin e afërt në botën e MMA-së. Ish-ylli i futbollit francez po përgatitet për debutimin e tij absolut së bashku me mikun e tij dhe yllin e Professional Fighters League (PFL), Cédric Doumbé: “Prej vitesh po stërvitem me më të mirët në botë dhe ata do t’ju thonë se jam gati për këtë. Do të jap një spektakël në Accor Arena më 23 maj, ndaj ejani ta shikoni”, ka shkruar ai në rrjetet sociale, i gatshëm për sfidën e re. Në të cilën ka zgjedhur edhe kundërshtarin e tij: “Më pyetën kë dua të përballem. U thashë: Luis Suarez… Do ta paguaj nga xhepi im… por ai mund edhe të më kafshojë”, ka shtuar Evra, duke hedhur edhe një herë provokimin në kujtim të gjestit të Pistoleros gjatë Botërorit 2014 në Brazil, kur kafshoi në shpatull Giorgio Chiellini.

10 years ago today at the 2014 World Cup, Luis Suarez bit Giorgio Chiellini!🇺🇾🇮🇹👊 pic.twitter.com/CYzqm7jl0b

— Football Fights (@footbalIfights) June 24, 2024