Dy punonjës të Bashkisë së Kavajës janë kërcënuar dhe dhunuar për shkak të detyrës së tyre. Policia njofton se tre të rinj nga Durrësi janë shpallur në kërkim pasi kanë kanosur punonjësen e bashkisë në zyrën e saj.
Ndërkohë janë shpallur në kërkim dy të tjerë pasi kanë goditur me grushte dhe me shkelma një punonjës të Bashkisë.
“J. B., 33 vjeç, S. B., 36 vjeç dhe K. M., 37 vjeç, të tre banues në Durrës, pasi ka kallëzuar shtetasja D. Q., 56 vjeçe, punonjëse e bashkisë Kavajë, se dje, këta tre shtetas e kanë kanosur në ambientet e punës së saj, për shkak të detyrës;
E. S., 43 vjeç dhe T. S., 46 vjeç, të dy banues në Kavajë, pasi ka kallëzuar shtetasi A. Ç., 52 vjeç, punonjës i bashkisë Kavajë, se dje, në ambientet e një subjekti privat, këta dy shtetas e kanë goditur me grushte dhe me shkelma, për shkak të detyrës”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
