Një tjetër rast i pasigurisë ushqimore është evidentuar në Shqipëri. Sipas Sistemit Europian të Njoftimit të Shpejtë për Ushqimin (RASFF), në tregun shqiptar është shitur sheqer palmë i kontaminuar me dioksid squfuri në nivele mbi kufirin e lejuar.
Produktit me emrin “Palmsugar slices TD bg 200g”, i prodhuar në Tajlandë dhe importuar nga Holanda, iu konstatua prania e alergenit të rrezikshëm për shëndetin. Autoriteti Kombëtar i Ushqimit (AKU) njoftoi se produkti, me një sasi prej 24 kg, ishte shpërndarë dhe nuk ndodhej më në treg në momentin e kontrollit.
“Pas njoftimit të datës 10.04.2025 nga RASFF, AKU kreu verifikimet përkatëse. Nga gjurmueshmëria, rezultoi se produkti ishte shitur plotësisht. Njoftimi është përcjellë sipas protokollit të RASFF”, njoftoi AKU në faqen zyrtare.
E çuditshme është sasia e cila raportet, se si mund të jenë importuar vetëm 24 kg sheqer?!
