Justin dhe Hailey Bieber tregojnë se e kanë akoma atë "puçi puçi” për njëri-tjetrin – në një takim romantik në Los Angeles, me veshje të kombinuara dhe shumë dashuri në ajër.
Çifti i famshëm u shfaq i pandarë teksa hynin të përqafuar në një restorant të shtunën mbrëma, pa u shqetësuar aspak nga zhurmat që qarkullojnë rreth martesës së tyre. Të dy kishin veshur të zeza nga koka te këmbët – Justin me një hoodie të madh, tuta Balenciaga dhe një kapele rozë, ndërsa Hailey me pantallona të ulëta, një kanatjere të shkurtër dhe një kapele me mbishkrimin “Rendezvous”.
Pasditja romantike vjen pas një tjetër daljeje të ëmbël të premten, kur çifti u fotografua duke marrë akullore te Cold Stone në L.A.
I biri i tyre, Jack, nuk ishte me ta këtë fundjavë, por Justin postoi një foto të ëmbël me të në Instagram të shtunën, ku duken duke përqafuar njëri-tjetrin.
Sa për thashethemet që kanë shpërthyer pas “dyshimit” se Hailey e kishte hequr Justin nga Instagrami – burime për TMZ sqarojnë se ishte thjesht një gabim teknik, pasi Justin e kishte çaktivizuar për pak llogarinë e tij. Madje, më parë ai kishte deklaruar se dikush i kishte hakuar profilin dhe kishte shtypur “unfollow” pa dijeninë e tij.
Përfundimi? Duket se martesa e tyre – që nga 2018 – është më e fortë se kurrë. Dhe për ta vërtetuar, ata janë veshur “matchy-matchy” si dy adoleshentë të dashuruar në fillim të lidhjes.
