Kreu i Partisë Mundësia, Agron Shehaj reagoi pas kallëzimit që Adriatik Lapaj i bëri në Gjykatë për shpifje.
Sipas Agron Shehajt, Lapaj po i fshihet debatit publik për denoncimet që ai ka bërë se Lapaj është avokat sekser i vjehrrit të tij në Gjykatën e Sarandës.
Sipas Shehajt, Lapaj po përdor një kallëzim në Gjykatë për këtë.
"Lapaj dha një shfaqje në dyert e Gjykatës për ta zvarritur çështjen me procedura gjykate."
"Bëri të njëjtën gjë që bëjnë të gjjthë politikanët e korruptuar kur unë i kam denoncuar" - u shpreh Shehaj.
Kreu i 'Mundësia' theksoi se Lapaj duhet të mos i fshihet përballjes në publik për aferat me pronat.
"I ka dalë boja" - shtoi Agron Shehaj, ndërsa konfirmoi se do ta ndjekë në kallëzimin e Lapajt ne gjykatë.
Kur dorëzoi kallëzimin në Gjykatën e Posaçme, Adriatik Lapaj u shpreh se nuk kërkonte përplasje me Shehajn, por akuzat e tij meritonin një përgjigje.
Lexo më tej: Adriatik Lapaj në GJKKO, padit për shpifje Agron Shehajn
