Prokuroria e Tiranës përfundoi hetimet dhe dërgoi për gjykim, Mario dhe Andi Roshin, vëllezër, administratorë të 2 qendrave masazhi, të cilët rekrutonin femra për për t’i punësuar si masazhatore, por më pas i detyronin të kryenin shërbime seksuale kundrejt pagesës. Ndaj vëllezërve Roshi rëndon akuza e “Pastrimit të parave” kryer në bashkëpunim.
“Nga hetimet prokuroria provoi se pasuritë e tyre, nuk justifikohen nga të ardhurat dhe dyshohet se rrjedhin nga veprimtaritë kriminale. Me kërkesë të prokurorisë, gjykata sekuestroi pasuritë e vëllezërve; ‘Njësi’, sipërfaqe 34m2; ‘Apartament’ me sipërfaqe 106.4m2, rruga ‘Hoxha Tahsin’; ‘Post Parkimi’ me sipërfaqe 41.2 m2 në Tiranë; dhe tre automjeteve tip ‘Benz’, ‘Volkswagen’ dhe ‘Scoda Octava’”, - njoftoi prokuroria.
