Një sulm me armë zjarri automatik është regjistruar mëngjesin e kësaj të marte në autostradën Durrës– Tiranë, ku objekt i sulmit ishte ndërtesa e një subjekti farmaceutik.
Si pasojë e të shtënave janë dëmtuar xhamat e fasades se jashtme dhe fatmirësisht nuk raportohet për dëme në njerëz. Policia dhe grupi hetimor ndodhen në vendngjarje dhe po punojnë për sqarimin e rrethanave.
"Rreth orës 08:10, në sallën operative të DVP Tiranë, ka ardhur njoftimi se në rrugën dytësore të autostradës “Durrës – Tiranë”, gjatë natës, dyshohet se është qëlluar me armë zjarri në drejtim të fasadës së një ndërtese.
Nga të shtënat janë shkaktuar vetëm dëme materiale. Grupi hetimor, në drejtimin e Prokurorisë, po punon për identifikimin dhe kapjen e autorit/ëve dhe për zbardhjen e rrethanave të rastit.", njofton policia.
