Ministria e Bujqësisë dhe Zhvillimit Rural ka konfirmuar një vatër të re të Influencës Aviare (H5N1), i njohur ndryshe si gripi i shpendëve.
Sipas Ministrisë, vatra e re është konstatuar në fshatin Maliq Muço në Durrës, ndërsa grupi i veterinerëve ka konstatuar se në fermën në fjalë kanë ngordhur 1848 shpendë, të prekur nga H5N1.
Pas këtij radti, Ministria thotë se ka ndaluar shitjen dhe tregtimin e shpendëve të gjallë në Sukth, Manëz, Katund i Ri, Maminas, Gjepalaj, Rashbull, Thumanë, Bubq, Prezë dhe Vorë.
Aktualisht po mbahen në monitorim edhe ferma të tjera të vogla familjare prezente në zonë. Ndërkohë, ekipet e Shërbimit Veterinar Rajonal kanë monitoruar 211 ferma, duke kontrolluar 2,958 shpendë për të vlerësuar përhapjen e sëmundjes.
Po ashtu, Ministria e Bujqësisë është njoftuar Instituti i Shëndetit Publik, për të kryer procedurat e nevojshme për kontrollin dhe vlerësimin e riskut.
