Kryetari i Partisë Demokratike, Sali Berisha ka mbërritur në SPAK në zbatim të masës detyrim paraqitjeje për çështjen Partizani. Jashtë ambienteve të Prokurorisë së Posaçme Berisha është pritur nga disa mbështetës të tij.
Pasi doli nga SPAK, Berisha lexoi mesazhin që i la kreut të SPAK, Altin Dumani.
“Amnistimi i krimit elektoral nga Dumani dhe Skapi i partisë është krimi antikushtetues dhe antidemokratik më i madh në historinë e pluralizmit politik. Është atentati më i rëndë ndaj zgjedhjeve të lira."
Në një deklaratë për mediat, Berisha e akuzoi Ramën si “redaktorin” që, sipas tij, ka manipuluar dhe drejtuar zhvillimet e fundit politike dhe qëndrimet ndaj drejtësisë të PS-së.
"Redaktori që u fsheh ishte Edi Rama. Natën i ndërsente kundër Skapit, ditën sulmonte Etjenin se guxove të sulmonte Skapin. Ndërkohë, statuset e para janë të gjitha të redaktuara nga Redaktori. Po çfarë po bënte Redaktori këtu? Redaktori këtu kishte vënë përpara një telajo dhe qejf e qejf po pikturonte mustaqet e Kujtim Gjuzit.
Po, i them unë, çfarë ke ti me këto mustaqe? Ti i ke tuat. Epo këto të miat nuk më mbushin. E vërteta është kjo. Prandaj është i fiksuar. Dhe çdo fjalë e tij çdo mëngjes fillon me mustaqet dhe mbaron pastaj e dini vetë me çfarë. Në fakt në burg e ka vendin. Një audit i gjithanshëm e pret", tha Berisha.
