https://www.youtube.com/watch?v=6gtDWCx6J4Q
*LIVE PROTESTA NË SERBI
Studentët kanë bllokuar tri rrugë: Bulevardi Kralja Aleksandra, Deçanska dhe Kralja Milana, duke mos lejuar qytetarët që të afrohen në Kuvendin e Serbisë që nga ora 15:00.
Presidenti i Serbisë, Aleksandar Vuçiç në një konferencë të jashtëzakonshme për shtyp një ditë më parë dhe tha se shteti “do të ndërmarrë të gjitha masat” për të siguruar paqe dhe paralajmëroi arrestimin e atyre që shkaktojnë incidente. Protesta e sotme shihet si më problematikja dhe një test i vërtetë për pushtetin e Vuçiç. Vuçiç, i cili ka dominuar politikën serbe që kur u bë kryeministër në 2014 dhe më pas president në 2017, tha se demonstruesit nuk do ta detyronin kurrë të tërhiqej.
“Do të duhet të më vrisni nëse doni të më zëvendësoni,” tha ai.
Presidenti serb duket se po përballet me probleme edhe në radhët e forcave të rendit. Mediat serbe raportojnë se një numër efektivesh kanë refuzuar të jenë në protestë, ndërsa të tjerë kanë deklaruar se nuk do të konfrontohen fizikisht me qytetarët. Autoritetet janë përballur me protesta thuajse ditore që nga nëntori i kaluar kur një çati e stacionit u shemb duke vrarë 14 vetë në Novi Sad, qyteti i dytë i Serbisë. Shumë fajësuan korrupsionin e shfrenuar për katastrofën në stacion, të cilin Vuçiç e kishte inauguruar në vitin 2022 pas rinovimeve.
