Zjarri që ra një ditë më parë në një sipërfaqe toke në malin e Moravës, në territorin e Bashkisë Devoll, vijon të jetë ende aktiv edhe sot. Vatra ka përfshirë një sipërfaqe me shkurre, barishte, bimësi të shkurter dhe një pjesë me lajthi.
Situata është e vështirë, pavarësisht ndërhyrjeve nga forcat zjarrfikëse dhe vullnetarët, pasi flakët favorizohen nga era e fortë. Për të neutralizuar flakët në terren ndodhen forca zjarrfikese, punonjës të drejtorisë së shërbimeve publike, punonjës të pyjores, forca vullnetare, dhe banorë të fshatrave përreth.
