Një shpërthim me eksplozivi ka ndodhur gjatë orëve të para të mëngjesit në një bar-lokal pranë stadiumit të Lezhës. Fatmirësisht nuk ka shkaktuar dëme në njerëz, por vetëm dëme materiale.
Menjëherë pas shpërthimit, forcat e policisë kanë mbërritur në vendngjarje dhe kanë nisur hetimet për zbardhjen e rrethanave dhe identifikimin e autorëve, të cilët ende mbeten të panjohur. Ngjarja ka krijuar shqetësim te banorët dhe bizneset përreth, ndërsa policia po punon për të siguruar prova që mund të çojnë në zbardhjen e kësaj ngjarjeje.
