Një aksident i rëndë ka ndodhur në afërsi të fshatit Galicë të Vushtrrisë në Kosovë. Një autobus që po transportonte nxënës ka dalë nga rruga. Sipas informacioneve që jep policia e Kosovës, aksidenti ka rezultuar me vdekjen e shoferit, 59-vjeçar, ndërsa 7 nxënës kanë mbetur të lënduar.
Nga hetimet e para të zhvilluara në vendngjarje, policia ka bërë të ditur se dyshohet që shkak i aksidentit të ketë qenë "pakujdesia e shoferit dhe mospërshtatja e shpejtësisë me kushtet e rrugës".
Kryetari i Komunës së Vushtrrisë, Ferit Idrizi, ka reaguar në Facebook duke shprehur ngushëllimet më të thella për familjen e shoferit që humbi jetën, si dhe ka shprehur shqetësimin e tij për këtë ngjarje tragjike.
Autoritetet lokale dhe ekipet mjekësore kanë arritur shpejt në vendngjarje dhe kanë ofruar ndihmën e nevojshme për nxënësit të lënduar, të cilët janë dërguar për trajtim në spital. ©LAPSI.al
